پیٹرول ،ڈیزل اور مٹی کے تیل کی قیمتوں میں ہوشربا اضافہ بلا جواز ہے ،حکومت فوری طور پر واپس لیا جائے ‘یاسمین راشد

عالمی سطح پر پیٹرول کی قیمتیں کم ہو رہی ہیں لیکن وفاقی حکومت بڑی ڈھٹائی کے ساتھ ہر15دن کے بعد پیٹرولیم مصنوعات کی قیمتوں میں اضافہ کر رہی ہے جو سراسر ظلم اور زیادتی ہے ‘رہنما تحریک انصاف

جمعرات 3 مئی 2018 20:52

لاہور(اُردو پوائنٹ اخبارتازہ ترین - این این آئی۔ 03 مئی2018ء) پاکستان تحریک انصاف کی سینئر مرکزی رہنما ڈاکٹر یاسمین راشد نے کہا ہے کہ پیٹرول ،ڈیزل اور مٹی کے تیل کی قیمتوں میں ہوشربا اضافہ بلا جواز ہے پی ٹی آئی اس اضافے کو مسترد کرتے ہوئے فوری طور پر واپس لینے کا مطالبہ کرتی ہے ،پیٹرول کی قیمتوں میں اضافے کا تعلق زندگی کی ہر شعبے سے ہوتا ہے اور اس اضافے کے بعد کھانے پینے کی اشیاء سے لے کر زندگی کے تمام معاملات متاثر ہوں گے ۔

(جاری ہے)

اپنے ایک بیان میں انہوںنے کہاکہ عالمی سطح پر پیٹرول کی قیمتیں کم ہو رہی ہیں لیکن وفاقی حکومت بڑی ڈھٹائی کے ساتھ ہر15دن کے بعد پیٹرولیم مصنوعات کی قیمتوں میں اضافہ کر رہی ہے جو سراسر ظلم اور زیادتی ہے ۔ حکمرانوں آئے روز عوام کو مہنگائی کے تحفے دے رہے ہیں ، موجود ہ حکومت کی تمام معاشی پالیسیاں ناکام ہو گئی ہے ، نا اہل حکمران عوام کو ریلیف دینے میں مکمل طور پر ناکا م ہو گئے ہیں ۔انہوںنے کہاکہ ن لیگ کی حکومت نے اقتدار کے آخری دنوں میں عوام سے جھوٹے وعدے کرنے شروع کر دئیے ہیں ۔