الیکشن کمیشن عام انتخابات 2018 کیلئے مکمل تیار ہے ،ْترجمان

انتخابات کوئی خلائی مخلوق کرا رہی ہے اس کی تردید کرتے ہیں ،ْ یہ بیان آئین کی روح اور الیکشن کمیشن کے مینڈیٹ کے خلاف ہے ،ْ بیان

جمعہ 4 مئی 2018 16:09

الیکشن کمیشن عام انتخابات 2018 کیلئے مکمل تیار ہے ،ْترجمان

اسلام آباد (اُردو پوائنٹ اخبارتازہ ترین - این این آئی۔ 04 مئی2018ء) الیکشن کمیشن نے کہا ہے کہ عام انتخابات 2018 کیلئے مکمل تیار ہیں ،ْ انتخابات کوئی خلائی مخلوق کرا رہی ہے اس کی تردید کرتے ہیں ،ْ یہ بیان آئین کی روح اور الیکشن کمیشن کے مینڈیٹ کے خلاف ہے ۔

(جاری ہے)

جمعہ کو ترجمان الیکشن کمیشن نے کہا کہ انتخابات کوئی خلائی مخلوق کرا رہی ہے اس کی تردید کرتے ہیں ،یہ بیان آئین کی روح اور الیکشن کمیشن کے مینڈیٹ کے خلاف ہے ،ْآئین کے تحت الیکشن کمیشن آئینی ،ْقانونی ذمہ داریوں میں مکمل آزاد ہے ،ْاہم منصب پر فائز شخصیات ایسے بیانات سے گریز کریں۔

انہوں نے کہا کہ ایسے بیانات محض قیاس آرائیوں اورمفروضوں پر مبنی ہوتے ہیں اور آئین کے منافی اور آئین کاتمسخر اڑانے کے مترادف ہیں۔واضح رہے کہ گزشتہ روز صحافیوں سے غیر رسمی گفتگو میں وزیراعظم شاہد خاقان عباسی نے کہا کہ اسمبلی اپنی مدت پوری کریگی ،ْ آئندہ انتخابات شفاف ہوں گے اور الیکشن 90 دن میں نہیں بلکہ 60 دن میں ہوں گے جب کہ خلائی مخلوق انتخابات کرائے گی تاہم ہم انتخابات میں حصہ لیں گے۔