آنجہانی اداکارہ سری دیوی کو فلم ’’موم‘‘ میں بہترین اداکارہ پر نیشنل فلم ایوارڈ سے نوازا گیا

جمعہ 4 مئی 2018 17:57

ممبئی (اُردو پوائنٹ اخبارتازہ ترین - آئی این پی۔ 04 مئی2018ء) بالی وڈ آنجہانی اداکارہ سری دیوی کو فلم ’’موم‘‘ میں بہترین اداکارہ پر نیشنل فلم ایوارڈ سے نوازا گیا۔

(جاری ہے)

بھارتی ذرائع ابلاغ کے مطابق فلمساز بونی کپور، جھانوی کپور اور خوشی کپور نے آنجہانی اداکارہ سری دیوی کا فلم ’’موم‘‘ پر بہترین اداکارہ کا نیشنل فلم ایوارڈ وصول کیا جس پر ان کے شوہر بونی کپور نے کہا کہ یہ لمحہ ان کی فیملی کے لئے جہاں باعث فخر ہے وہاں ان کی یاد بھی دلوں میں ہے، وہ اس وقت بہت خوش ہوں گی اور ہمارے درمیان موجود ہیں۔ انہوں نے کہا کہ سری دیوی کا کیریئر 5دہائیوں پر مشتمل ہے جس میں انہوں نے 300 سے زائد فلمیں کیں اور کپور خاندان کو اس بات پر فخر ہے کہ آج بھی ان کے کام کو سراہا جاتا ہے۔