’’ہم یہاںموجود آپ کی خدمت کے لئے‘‘ کے سلوگن سے ٹریفک قوانین سے متعلق آگاہی مہم جاری

بدھ مئی 23:40

راولپنڈی 09مئی(اُردو پوائنٹ اخبارتازہ ترین۔ 09 مئی2018ء) چیف ٹریفک آفیسر راولپنڈی ایس ایس پی بلال افتخارکی ہدایت پر راولپنڈی ٹریفک پولیس کی شہریوں میں ’’ہم یہاںموجود آپ کی خدمت کے لئے‘‘ کے سلوگن سے ٹریفک قوانین سے متعلق بڑے پیمانے پر آگاہی مہم جاری اس سلسلے میں گزشتہ رو ز راولپنڈی مری روڈ پر ٹریفک آگاہی ڈے منایا گیا اس موقع پر سی ٹی او بلال افتخار نے فرینڈلی پولیسنگ کے تحت بچوں اور روڈ یوزرز میں چاکلیٹس اور ٹریفک آگاہی پمفلٹس تقسیم کئے کیونکہ تعلیم اور ٹریفک قوانین آگاہی سے ہی شاہراہوں پر بہترین نظم و ضبط ممکن ہے ۔

(جاری ہے)

گزشتہ روز مری روڈ پر مریڑ چوک سمیت دیگر چوراہوں پر ٹریفک پولیس کے ایجوکیشن ونگ نے بذریعہ ٹریفک آگاہی بورڈزشہریوں کو سٹاپ لائن پر کھڑے ہو کر خوب صورت انداز میں ہاتھوں میں آگاہی بورڈز اٹھا کر ٹریفک قوانین و روڈ سیفٹی قوانین سے متعلق آگاہی فراہم کی ٹریفک آگاہی بورڈز پر سلوگن تحریر تھیں کہ’’ ہم یہاں آپ کی خدمت کے لئے موجود ہیں ‘‘ اس کے علاوہ ٹریفک کے اشارے محافظ ہمارے،موٹر سائیکل سوار ہیلمٹ کا استعمال کریں،دورانِ ڈرائیونگ موبائل فون کا استعمال جان لیوا ثابت ہو سکتا ہے ،،گاڑی چلاتے وقت سیٹ بیلٹ کا استعمال کریں ،،گاڑی اپنی لائن میں چلائیں ، تیز رفتاری باعث ہلاکت ہے،راستہ دینے کے اصول کو اپنایا جائے تو ٹریفک رش نہیں بنتا ، غلط اور ڈبل پارکنگ سے گریز کریں، دورانِ ڈرائیونگ ذمہ دار شہری اور اچھے ڈرائیور ہونے کا ثبوت دیں ‘‘ اور دیگر سلوگن تحریر تھیںاس دورا ن ٹر یفک وارڈنز اور جونیئر ٹریفک وارڈنز نے اشاروں پر کھڑی گاڑیوں اور موٹر سائیکلوں کے ڈرائیوروں کو بڑے دلکش انداز میں سلوٹ پیش کیا اس موقع پر چیف ٹریفک آفیسر ایس ایس پی بلال افتخار نے موٹر سائیکل سواروں ، گاڑی کے ڈرائیوروں، بچوں ،پیدل افراد اوردیگر روڈ یوزرز میں ٹریفک آگاہی پمفلٹس اور فرینڈلی پولیسنگ کے تحت چاکلیٹس بھی تقسیم کیں ۔