قرآن مجید مکمل ضابط حیات ہے ،ڈاکٹر عبدالسمیع

ہفتہ 12 مئی 2018 23:24

فیصل آباد۔12 مئی(اُردو پوائنٹ اخبارتازہ ترین - اے پی پی۔ 12 مئی2018ء) قرآن مجید مکمل ضابط حیات ہے جبکہ اس کو عمل کی نیت سے سمجھ کر پڑھنے سے ہی اسلامی معاشرے اور احیائے اسلام کی راہ ہموار کی جا سکتی ہے۔ یہ بات معروف اسلامی مفکر، عالم دین اور تنظیم اسلامی کے نائب امیر ڈاکٹر عبدالسمیع نے یہاں فیصل آباد چیمبر آ ف کامرس اینڈ انڈسٹری میں " قرآن سے تعارف" کے موضوع پر لیکچر دیتے ہوئے بتائی۔

انہوں نے کہا کہ قرآن میں انبیائے اکرام کے قصوںکو سبق آموز انداز میں بیان کیا گیا ہے تا کہ قیامت تک آنے والی نسلیں اس سے مستفید ہوسکیں ۔ انہوں نے کہا کہ اللہ تعالیٰ اس کائنات کا خالق اور مالک ہے ۔ اس کے احکامات پر عمل کرنے والی قوموں کو سربلندی عطا کی گئی جبکہ اس کی نفی کرنے والے ذلیل و خوار ہوئے۔

(جاری ہے)

انہوں نے رمضان کی آمد کا ذکر کیا اور کہا کہ قرآن کا نزول اس مہینے میں ہوا جبکہ اللہ نے دن کو روزہ رکھنے اور رات کو قیام کرنے کی ہدایت کی ہے۔

اس موقع پر سوال و جواب کی نشست بھی ہوئی جس میں سیکرٹری جنرل عابد مسعود ، رانا سکندر اعظم اور دیگر شرکاء نے حصہ لیا۔ آخر میں سینئر نائب صدر شیخ فاروق یوسف نے ڈاکٹر عبدالسمیع کو فیصل آباد چیمبر آف کامرس اینڈ انڈسٹری کی شیلڈ پیش کی اور مہمانوں کا شکریہ ادا کیا۔

Facebook Twitter Google + Share on Whatsapp

قرآن مجید مکمل ضابط حیات ہے ،ڈاکٹر عبدالسمیع

متعلقہ عنوان :

مزید قومی خبریں