2لاکھ روہنگیا پناہ گزینوں کو سیلاب سے بچانے کی کوشش کررہے ہیں،اقوامِ متحدہ

بدھ 23 مئی 2018 16:53

نیویارک(اُردو پوائنٹ اخبارتازہ ترین - آن لائن۔ 23 مئی2018ء) ا قوامِ متحدہ کے ترجمان سٹیفن دوجیرک نے کہا کہ اقوامِ متحدہ اور دیگر امدادی تنظیمیں بنگلہ دیش کے مہاجر کیمپس میں موجود ایک ملین سے زائد روہنگیا لوگوں کو مون سون بارشوں کے زیادہ نقصاندہ اثرات سے بچانے کی کوشش کر رہی ہیں۔

(جاری ہے)

گزشتہ روز ترجمان اقوام متحدہ سٹیفن دوجیرک نے اپنے ایک بیان میں کہا کہ مہاجر کیمپس میں مقیم 2لاکھ لوگوں کے سیلاب اور لینڈ سلائیڈنگ سے متاثر ہونے کا امکان ہے،مون سو ن سیزن کے آغاز میں7 سی14 مئی تک کے صرف ایک ہفتے میں 7ہزار سے زائد لوگ طوفان اور لینڈ سلائیڈنگ سے متاثر ہوئے۔

انہوں نی کہا کہ میانمار کی رخائن ریاست کے قریب واقع بنگلہ دیش کے کاکس بازار ضلع میں عمومی طور پر سالانہ بارش2.5 میٹر تک ہوتی ہے،اس وجہ سے مون سون سیز ن میں ڈیڑھ سے 2لاکھ پناہ گزین اور 883 کمیونٹی سہولیات سیلاب اور لینڈ سلائیڈنگ سے متاثر ہو سکتی ہیں جبکہ 25ہزار پناہ گزینوں کے زیادہ متاثر ہونے کا امکان ہے۔ اقوام متحدہ اور دیگر امدادی تنظیمیں ان مہاجرین کی محفوظ مقامات پر منتقلی کی کوشش کر رہی ہیں۔