نصیر آباد، این ٹی ایس امتحانات میں پاس ہونے والے چار امیدواروں میں تعیناتی کے آرڈر تقسیم

بدھ 23 مئی 2018 21:04

نصیرآباد(اُردو پوائنٹ اخبارتازہ ترین - این این آئی۔ 23 مئی2018ء) وزیراعلی بلوچستان میر عبدالقدوس بزنجو کی ہدایت ڈسٹرکٹ ایجوکیشن آفیسر نصیرآباد عرض محمد بنگلزئی نے این ٹی ایس امتحانات میں پاس ہونے والے چار امیدواروں میں تعیناتی کے آرڈر تقسیم کئے،جس سے امیدواروں میں خوشی کی انتہا نہ رہی، آرڈر تقسیم کرنے کے موقع پر ڈی ڈی ای او ریاض احمد بھنگر جی ٹی اے نصیرآباد کے ڈویژنل صدر مٹھا خان رند ضلعی صدر حاجی خان محمد سیال بھی موجود تھے،اس موقع پر ڈسٹرکٹ ایجوکیشن آفیسر نصیرآباد عرض محمد بنگلزئی نے کہا کہ وزیر اعلی بلوچستان میر عبدالقدوس بزنجو کی خصوصی ہدایت پر ڈسٹرکٹ ریکرونمنٹ کمیٹی نصیرآباد نے نہایت ایمانداری اور شفاف طریقے سے کام کر کے میرٹ لسٹ بنایا اور میرٹ کے مطابق حقدار امیدواروں کو ان کے تعیناتی کے آرڈر دئیے،اس موقع پر ڈسٹرکٹ ایجوکیشن آفیسر نصیرآباد عرض محمد بنگلزئی نے نئے تعینات ہونے والے اساتذہ سے کہا کہ وہ اپنے سکولوں میں جاکر اپنے فرائض احسن طریقے سے سر انجام دیں اور طلبہ کو زیور تعلیم سے آراستہ کریں۔