پاکستان نے روس کو آلوکی برآمد سی70 کروڑ روپے زرمبادلہ حاصل کیا

جمعہ 25 مئی 2018 22:20

لاہور۔25 مئی(اُردو پوائنٹ اخبارتازہ ترین - اے پی پی۔ 25 مئی2018ء) پاکستان اور روس کے مابین تجارتی رابطوں کے تحت آلو کی برآمد کے عوض پاکستان کو 70 کروڑ روپے کا زرمبادلہ حاصل ہوا ہے جبکہ آئندہ چند روزتک اس میں اضافہ کا امکان موجود ہے۔ذرائع کے مطابق اب تک 25 ہزارمیٹرک ٹن آلو روس کو بھیجا گیا ہے۔پوٹیٹو گروورز سوسائٹی کے مطابقصوبہ پنجاب میں سسٹ نیماٹوڈ سے پاک آلوکی پیداوار حاصل کی جا رہی ہے۔

آلو پر حملہ آورسسٹ نیماٹوڈزکی موجودگی 65 ممالک میں رپورٹ کی گئی ہے جس میں پاکستان شامل نہیں ہے۔

(جاری ہے)

محمد محمود،سیکرٹری زراعت پنجاب کی ہدایت پرحال ہی میں پوٹیٹو ریسرچ انسٹیٹیوٹ ساہیوال نے ایوب زرعی تحقیقاتی ادارہ فیصل آبادکے پلانٹ پتھالوجی شعبہ کے باہمی اشتراک سے آلو میں سسٹ نیما ٹوڈ کی موجودگی کا پتہ چلانے کیلئے ایک سروے کیاجس کے تحت پنجاب میں آلو کی کاشت کے مرکزی علاقہ جات(ساہیوال،اوکاڑہ اور پاکپتن کے اضلاع)سے 200 کاشتکاروںکے رقبہ جات سے آلو کی فصل کے کھیتوں سے زمین کے سیمپل لیے گئے اور انہیں آلو کے سسٹ نیما ٹوڈ کے لیے ٹیسٹ کیا گیا۔

البتہ کسی ایک سیمپل سے بھی اس کی موجودگی کی رپورٹ نہیں ملی ۔ اسی لئے پاکستان کے آلو کی مانگ بین الاقوامی سطح پر روزبروز بڑھ رہی ہے۔