چار پاکستانی کوچز کو ایشین کوچنگ سیمینار میں شرکت کیلئے تائیوان بھیجا جائیگا، وصال خان

منگل 29 مئی 2018 11:40

اسلام آباد ۔ (اُردو پوائنٹ اخبارتازہ ترین - اے پی پی۔ 29 مئی2018ء) پاکستان آرچڑی فیڈریشن چار پاکستانی کوچز کو ایشین کوچنگ سیمینار میں شرکت کیلئے تائیوان بھیجا جائیگا۔

(جاری ہے)

پاکستان آرچڑی فیڈریشن کے سیکرٹری جنرل وصال محمد خان نے بتایا کہ ایشین آرچڑی فیڈریشن کے زیراہتمام ایشین کوچنگ سیمینار 5 سے 7 جولائی تک تائیوان میں منعقد ہوگا جس میں ایشیائی ممالک کے کوچز شرکت کریں گے، اس کوچنگ سیمینار میں چار کوچز پاکستان کی نمائندگی کریں گے اور اس سلسلے میں تین کوچز کے ناموں کا اعلان کردیا گیا جن میں پاکستان آرمی کے جلال الدین، خیبر پختونخوا سے سرفراز اور پنجاب سے امان اللہ شامل ہیں جبکہ چوتھے کوچ کے نام کا اعلان چند روز میں کر دیا جائیگا۔