موت کے بعد سری دیوی کی زندگی کا بڑا راز سامنے آگیا

ماں نہیں چاہتی تھیں کہ اداکاری کے شعبے میں قدم رکھوں، جھانوی کپور

جمعرات 31 مئی 2018 11:10

موت کے بعد سری دیوی کی زندگی کا بڑا راز سامنے آگیا

ممبئی ۔ (اُردو پوائنٹ اخبارتازہ ترین - اے پی پی۔ 31 مئی2018ء) بالی وڈ آنجہانی اداکارہ سری دیوی کی بیٹی جھانوی کپور نے کہا ہے کہ ماں کبھی نہیں چاہتی تھیں کہ میں اداکاری کے شعبے میں قدم رکھوں۔

(جاری ہے)

بھارتی ذرائع ابلاغ کے مطابق جھانوی کپور نے اپنے انٹرویو میں کہاکہ ماں کا خیال تھا کہ فلموں کے لئے میری جلد زیادہ اچھی نہیں ہے اور میں بہت سادہ اور بھولی بھالی ہوںجس کے باعث وہ کبھی نہیں چاہتی تھیں کہ میں اداکارہ بنوں لیکن وہ چاہتی تھیں کہ خوشی فلموں میں آئے اور وہ ہماری آرام دہ زندگی کی خواہش مند تھیں۔ انہوں نے کہا کہ میں بچوں کی طرح ان کے ساتھ ہمیشہ رہتی، جب میں جاگتی تو سب سے پہلے ان کا پوچھتی اور جب میں سوتی تو مجھے ان کی ضرورت پڑتی تھی اور وہ ایسا کرتی بھی تھیں۔