ڈسٹرکٹ ہیلتھ آفس اسلام آباد نے دیہی علاقوںمیں ہیٹ اور سن سٹروک سے بچنے کے لئے آگہی مہم شروع کردی

ہفتہ 2 جون 2018 14:24

اسلام آباد (اُردو پوائنٹ اخبارتازہ ترین - این این آئی۔ 02 جون2018ء) چیف کمشنر اسلام آباد آفتاب اکبر درانی کی ہدایت پر ڈسٹرکٹ ہیلتھ آفس اسلام آباد نے دیہی علاقوںمیں ہیٹ اور سن سٹروک سے بچنے کے لئے آگہی مہم شروع کردی ہے اس سلسلے میں اسلام آباد کے رورل ہیلتھ سنٹرز اور بی ایچ یوز پر کمیونٹی میں گرمی اور سن سٹروک سے بچنے اور شہریوں کو احتیاطی تدابیر اختیار کرنے کیلئے آگہی سیشنز کا انعقاد کیا جارہا ہے ۔

(جاری ہے)

معلوماتی سیشنز میں سن سٹروک کے اثرات اور ابتدائی طبی اثرات اور علامات کے بارے میں شہریوں میںشعور اجاگر کیا جارہا ہے۔اسسٹنٹ ڈسٹرکٹ ہیلتھ افسر اسلام آبا د ڈاکٹر نجیب درانی نے شہریوں سے کہا ہے کہ وہ گرمی اور سن سٹروک سے بچنے کے لئے احتیاطی تدابیر اختیار کریں ۔