سی ڈی اے کا اسلام آباد انتظامیہ کی مدد سے سیکٹر F-11 بھیکہ سیداں میں جوائنٹ آپریشن ، 61 کمرشل سٹرکچرز مسمار

پیر 4 جون 2018 23:06

اسلام آباد(اُردو پوائنٹ اخبارتازہ ترین - آن لائن۔ 04 جون2018ء) سی ڈی اے نے اسلام آباد انتظامیہ کی مدد سے سیکٹر F-11 بھیکہ سیداں میں جوائنٹ آپریشن کر کے 61 کمرشل سٹرکچرز کو مسمار کر دیا۔ مسمار کی جانے والی تعمیرات میں کار شو رومز ،آٹو میکینک ورکشاپیں، سروس سٹیشنز ،جنرل سٹورز، کھوکھے ،کمرے ،ریسٹورنٹس، کباڑخانے، ڈینٹگ پینٹنگ کی دکانیں اور آٹور سپیر پارٹس کی دکانیں شامل ہیں۔

(جاری ہے)

اسلام آباد ہائی کورٹ کی ہدایات پر سی ڈی اے نے اسلام آباد انتظامیہ کی مدد سے یہ کاروائی F-11 بھیکہ سیداں کی مین ڈبل روڈ پر غیر قانونی تجاوزات اور تعمیرات کے خلاف عمل میں لائی۔ واضح رہے کہ انفورسمنٹ ڈائریکٹوریٹ نے سرکاری اراضی پر غیر قانونی قبضہ ختم کرنے کے لیے نوٹسسز جاری کیے تھے تاہم مقررہ مدت کے اختتام پر بھر پور کاروائی عمل میں لائی گئی۔ جس میں سی ڈی اے اور آئی سی ٹی کے علاوہ اسلا م آباد پولیس اور رینجرز نے بھی حصہ لیا۔