سیمنٹ کی برآمدات میں اپریل کے دوران 42.52 فیصد اضافہ

بدھ 6 جون 2018 14:42

اسلام آباد ۔ (اُردو پوائنٹ اخبارتازہ ترین - اے پی پی۔ 06 جون2018ء) اپریل 2018 میں پاکستان سے سمینٹ کی برآمدات میں 42.52 فیصد اضافہ ریکارڈ کیا گیا۔ ادارہ شماریات پاکستان کے اعدادوشمارکے مطابق اپریل 2018کے دوران پاکستان نے سیمنٹ کی برامدات سے 19.14ملین ڈالر کازرمبادلہ کمایا جو گزشتہ سال کے اسی عرصہ کے مقابلے میں 42.52فیصد زیادہ ہے۔گزشتہ سال ماہ اپریل میں پاکستان نے سیمنٹ کی برآمدات سے 13.4ملین ڈالر کازرمبادلہ کمایا تھا۔

(جاری ہے)

مارچ کے مقابلے میں اپریل میں سیمنٹ کی برآمدات میں 13.4فیصد اضافہ ریکارڈکیاگیا۔اعدادوشمارکے مطابق مالی سال کے 10مہینوں میں ملک سے سیمنٹ کی برآمدات میں گزشتہ مالی سال کے اسی عرصہ کے مقابلے میں 9.37فیصد کمی ریکارڈ کی گئی ہے۔اعداد وشمارکے مطابق جولائی سے لیکر اپریل2018تک پاکستان نے سیمینٹ کی برآمدات سے 185.7ملین ڈالر کا زرمبادلہ کمایا ، مالی سال 2016-17میں پاکستان نے سیمینٹ کی برآمدات سے 204.95ملین روپے کازرمبادلہ حاصل کیا تھا۔

Facebook Twitter Google + Share on Whatsapp

سیمنٹ کی برآمدات میں اپریل کے دوران 42.52 فیصد اضافہ

متعلقہ عنوان :

مزید تجارتی خبریں