پاکستان نے آئی ایم ایف سے بیل آؤٹ پیکج لینے کا کوئی فیصلہ نہیں کیا ہے ،ْوزارت خزانہ

جمعہ 8 جون 2018 13:30

اسلام آباد (اُردو پوائنٹ اخبارتازہ ترین - این این آئی۔ 08 جون2018ء) وزارت خزانہ کی جانب سے جاری بیان میں کہا گیا ہے کہ پاکستان نے آئی ایم ایف سے بیل آؤٹ پیکج لینے کا کوئی فیصلہ نہیں کیا ہے۔وزارت خزانہ کی جانب سے جاری اعلامیے کے مطابق آئی ایم ایف سے کسی بیل آوٹ پیکج پر کسی قسم کے مذاکرات بھی نہیں ہو رہے۔

(جاری ہے)

اعلامیے میں کہا گیا کہ آئی ایم ایف سے رکن ممالک کی سالانہ مشاورت ہوتی ہے، آئی ایف سے یہ مشاورت آئین کے آرٹیکل 4 کے تحت ہوتی ہے۔وزارت خزانہ کے مطابق رواں سال یہ مشاورت مارچ میں ہونی تھی جو بجٹ سازی کے باعث ملتوی ہوئی جو اب جون کے آخر میں ہو گی لیکن اس مشاورت کا بیل آئوٹ پیکج سے کوئی تعلق نہیں ہے۔