مریخ پر زندگی اور عجیب الخلقت مخلوق کے آثار مل گئے،ناساکی تحقیق

ایک جھیل کی تہہ سے ملنے والے آثار سے پتہ چلا ہے کہ مریخ میں اجنبی زندگی پائی جاتی ہے،رپورٹ

جمعہ 8 جون 2018 17:01

مریخ پر زندگی اور عجیب الخلقت مخلوق کے آثار مل گئے،ناساکی تحقیق

واشنگٹن(اُردو پوائنٹ اخبارتازہ ترین - این این آئی۔ 08 جون2018ء) مریخ سے زندگی کے آثار ہی نہیں ملے بلکہ ایک عجیب الخلقت مخلوق کی زندگی کے ثبوت بھی پائے گئے ہیں۔میڈیارپورٹس کے مطابق امریکی خلائی تحقیقاتی ادارے ناسا کی جدید تحقیق میں کہاگیاکہ ایک جھیل کی تہہ سے ملنے والے آثار سے پتہ چلا ہے کہ مریخ میں اجنبی زندگی پائی جاتی ہے۔

(جاری ہے)

سائنسدانوں کا کہنا تھا کہ مریخ میں موجود خلائی گاڑی کیوریوسٹی روور سے بھیجے جانے والے ڈیٹا کے مطابق یہ آثار ایک تین ارب سال پرانی جھیل کی تہہ سے ملے ہیں جن کی باقیات میں متعدد نامیاتی مرکبات کا پتہ چلا ہے۔

ایک پتھر میں محفوظ مالیکیولز اس جانب اشارہ کرتے ہیں کہ ماضی میں اس سیارے پر زندگی پائی جاتی تھی اور شاید اب بھی ہو۔تاہم ماہرین کا کہنا تھا کہ وہ اس بات کی ابھی تصدیق یا تردید نہیں کرسکتے۔