رنبیر کپور بولی وڈ فلم 3 ایڈیٹس کے سیکوئل کا حصہ بن گئے

جمعرات جون 21:30

ممبئی(اُردو پوائنٹ اخبارتازہ ترین۔ 21 جون2018ء) بولی وڈ فلم 3 ایڈیٹس صرف 2009 کی ہی کامیاب فلم نہیں بلکہ اس کا شمار اب تک کی کامیاب ترین بھارتی فلموں میں کیا جاتا ہے۔اور اب فلم کے ہدایت کار راج کمار ہیرانی نے اعلان کیا ہے کہ وہ اس بہترین فلم کے سیکوئل پر کام شروع کرچکے ہیں۔ ایڈیٹس جس کی کہانی تین نوجوانوں پر مبنی تھی جو اپنے ڈگری حاصل کرنے کے پیچھے بھاگنے کے بجائے اپنے خواب کو پورا کرنے کی کوشش کرتے ہیں، نوجوانوں میں آج بھی اتنی ہی مقبول ہے جتنی اپنی ریلیز کے موقع پر تھی۔

2009 میں ریلیز ہوئی فلم 3 ایڈیٹس میں عامر خان کے ساتھ آر مادھون اور شرمن جوشی نے اہم کردار ادا کیا تھا۔رپورٹ کے مطابق فلم کے لکھاری ابھیجت جوشی اس کے سیکوئل کی کہانی پر کام کررہے ہیں۔اس حوالے سے راج کمار ہیرانی نے بتایا کہ میں 3 ایڈٹس کا سیکوئل ضرور بنانا چاہتا ہوں، ہم اس کی کہانی پر کام کا آغاز بھی کرچکے ہیں، لیکن اسے مکمل ہونے میں کافی وقت لگے گا۔

(جاری ہے)

دوسری جانب اداکار رنبیر کپور جو اس وقت راج کمار ہیرانی کی فلم سنجو کی تشہیر میں مصروف ہیں، نے 3 ایڈٹس میں کام کرنے کی خواہش کا اظہار بھی کردیا۔رنبیر کپور عامر خان کی ایک اور کامیاب فلم پی کے میں مختصر کردار کے لیے جلوہ گر ہوچکے ہیں، جبکہ ماضی میں عامر خان کئی مرتبہ رنبیر کپور کے کام کی تعریف بھی کرچکے ہیں۔۔

متعلقہ عنوان :