گوجرانوالہ میں وکلاء کا نادرا ملازمین پر تشدد

واقعہ کے بعد نادرا ملازمین نے کام چھوڑ کر دفتر کو تالے لگا دئیے

جمعہ 22 جون 2018 21:22

گوجرانوالہ (اُردو پوائنٹ اخبارتازہ ترین - این این آئی۔ 22 جون2018ء) گوجرانوالہ میں وکلاء نے نادرا دفتر میں گھس کر ملازمین پر تشدد کر ڈالا، واقعہ کے بعد نادرا ملازمین نے کام چھوڑ کر دفتر کو تالے لگا دئیے۔

(جاری ہے)

گوجرانوالہ میں وکلاء نے میونسپل کارپوریشن میں واقع نادرا دفتر میں زبردستی گھس کر ملازمین کو تشدد کا نشانہ بنا ڈالا جس کے بعد نادرا ملازمین نے احتجاج کے طور پر کام چھوڑ دیا اور دفتر کو تالے لگا دئیے ۔

پولیس کے مطابق نادرا دفتر میں شناختی کارڈ کے حصول کیلئے آئی خاتون وکیل کی ایک ملازم سے معمولی تلخ کلامی ہوئی جس پر اس نے ساتھی وکلاء کو بلا لیا جنہوں نے نادرا دفتر میں گھس کر برانچ مینجر فیصل اور دیگر ملازمین پر تشدد کیا ،ْذرائع کے مطابق پولیس نے واقعہ کی تحقیقات کا آغاز کر دیا ہے