انڈس موٹرز کا مختلف برانڈز کی کار کی قیمتوں میں اضافے کا اعلان

منگل 26 جون 2018 19:25

اسلام آباد (اُردو پوائنٹ اخبارتازہ ترین - این این آئی۔ 26 جون2018ء) انڈس موٹرز کمپنی نے مختلف کار برانڈز کی قیمت میں ایک بار پھر اضافے کا اعلان کردیا۔موٹر ڈیلرز کے مطابق انڈس موٹرز نے مختلف کار قیمتوں میں 50 ہزار سے ڈھائی لاکھ روپے اضافے کا اعلان کیا ہے۔

(جاری ہے)

کرولا ایکس ایل آئی کی قیمت 50 ہزار روپے اور جی ایل آئی کی قیمت میں ایک لاکھ جبکہ آلٹس اور گرینڈی قیمتیں ڈیڑھ لاکھ روپے بڑھائی گئی ہیں۔کمپنی کی جانب سے فورچیونر کی قیمت ڈھائی لاکھ روپے بڑھانے کا اعلان کیا گیا ہے۔کمپنی حکام کا کہنا ہے کہ قیمتیں روپے کی قدر میں کمی کے سبب بڑھانا پڑی ہیں۔