عمران خان اپنی انتخابی مہم کا اختتامی خطاب ڈی چوک اسلام آباد میں کریں گے

بدھ 27 جون 2018 16:01

اسلام آباد ۔ (اُردو پوائنٹ اخبارتازہ ترین - اے پی پی۔ 27 جون2018ء) پاکستان تحریک انصاف 23 جولائی کو ڈی چوک اسلام آباد میں آخری انتخابی جلسہ منعقد کرے گی۔ جلسہ سے چیئرمین پی ٹی آئی عمران خان خطاب کریں گے۔ اس حوالے سے تحریک انصاف نے اسلام آبادکی ضلعی انتظامیہ کو خط لکھ دیا ہے۔

(جاری ہے)

خط سینیٹ کی قائمہ کمیٹی برائے اطلاعات و نشریات کے چیئرمین سینیٹر فیصل جاوید کی جانب سے لکھا گیا ہے ۔

مرکزی میڈیا ڈیپارٹمنٹ سے جاری بیان کے مطابق میں سینیٹ کی قائمہ کمیٹی برائے اطلاعات و نشریات کے چیئرمین سینیٹر فیصل جاوید نے کہا ہے کہ ملک بھر کے تاریخی دورے کے بعد عمران خان اپنی انتخابی مہم کا اختتامی خطاب ڈی چوک میں کریں گے اور یہ تاریخی جلسہ عام ہو گا۔ ہم نے اس حوالے سے ضلعی انتظامیہ کو باضابطہ طور پر آگاہ کر دیا ہے۔