ماہ میں 3 کروڑ پودے لگانے کا ہدف مقرر، شہری شجرکاری مہم میں بڑھ چڑھ کر حصہ لیں ‘ڈاکٹر حسن عسکری
معاشرے کے تمام طبقات کو حکومت کا ہاتھ بٹانا ہوگا،پودوں کی حفاظت کو یقینی بنانا بھی معاشرے کے ہرفرد کی ذمہ داری ہے ہماری اجتماعی اور قومی ذمہ داری ہے کہ اس مہم کے دوران زیادہ سے زیادہ پودے لگا کر اس کارخیر میں شامل ہوں‘نگران وزیراعلیٰ پنجاب نے وزیراعلیٰ آفس میں پودا لگا کر موسم برسات کی شجرکاری مہم کا افتتاح کر دیا
جمعرات 12 جولائی 2018 19:09
(جاری ہے)
شجرکاری ماحولیاتی آلودگی کو کم کرنے میں بھی ممدومعاون ثابت ہوتی ہے۔
نگران وزیراعلیٰ نے کہا کہ درخت اور پودے سیلاب کی تباہ کاریوں سے بچائو اور زمین کے کٹائو کو روکنے کا اہم ذریعہ ہیں اور ہماری اجتماعی ذمہ داری ہے کہ اس مہم کے دوران زیادہ سے زیادہ پودے لگا کر اس کارخیر میں شامل ہوں کیونکہ شجرکاری ایک قومی ذمہ داری ہے اور اس ذمہ داری میں معاشرے کے تمام طبقات کو حکومت کا ہاتھ بٹانا ہوگا۔انہوں نے کہا کہ شجر کاری مہم کے بعدپودوں کی حفاظت اور دیکھ بھال کو یقینی بنانا بھی معاشرے کے ہرفرد کی ذمہ داری ہے۔ انہوں نے کہا کہ درخت نہ صرف سایہ دیتے ہیں بلکہ ان سے پھل بھی حاصل ہوتا ہے، لہٰذا ان دونوں مقاصد کو مدنظر رکھتے ہوئے ایسے پودے لگائے جانے چاہئیں جو تناور درخت بنیں تو سایہ بھی دیں اور پھل بھی۔نگران وزیراعلیٰ نے کہا کہ پنجاب میں جنگلات کے شعبے میں سرمایہ کاری کے وسیع مواقع موجود ہیں ۔ شجرکاری مہم کے دوران صوبہ بھرمیں 3 ماہ میں 3کروڑ پودے لگانے کا ہدف مقررکیا گیا ہے جبکہ شجرکاری مہم کے تحت پی ایچ اے لاہور میں درخت لگائے گی جس سے شہر کے قدرتی حسن کو بحال کرنے میں مدد ملے گی اور شجرکاری مہم کے تحت پی ایچ اے مختلف اقسام کے پودے اور پھل دار درخت لگائے گی۔ انہوں نے کہا کہ ہمیں انفرادی و اجتماعی سطح پراپنے ماحول کو آلودگی سے بچانے میں کردار ادا کرنا ہے اور اس ضمن میں پودے لگا کر شجرکاری مہم کو کامیاب بنانا ہے۔ انہوں نے کہا کہ ہمیں ماحولیاتی تبدیلیوں کا مقابلہ کرنے کے لیے زیادہ سے زیادہ درخت اور پودے لگانے چاہئیں۔نگران وزیراعلیٰ نے کہا کہ آکسیجن پیدا کرنے کا قدرتی ذریعہ درخت ماحولیاتی آلودگی پر قابو پانے کا بھی قدرتی ذریعہ ہیں اور ماحولیاتی آلودگی روکنے کا کام انسانیت کی خدمت ہے ۔ نگران وزیراعلیٰ نے عوام سے اپیل کی کہ وہ شجرکاری مہم کے دوران اپنے گھروں میں پودے لگائیں اور جس قومی مہم میںبڑھ چڑھ کر حصہ لیںکیونکہ پودے اور درخت شہروں کے قدرتی حسن میں اضافہ کے ساتھ ساتھ لوگوں کو صاف ماحول بھی مہیا کرتے ہیں۔شہری شجرکاری مہم میں بھرپور حصہ لیتے ہوئے اس مہم کو کامیاب کرانے میں اپنا کردار ادا کریں۔ انہوں نے کہا کہ سرکاری تعلیمی اداروں میں بھی پودے لگا کر اس مہم کو کامیاب کیا جائے گا۔ نگران صوبائی وزراء ضیاء حیدر رضوی، احمد وقاص ریاض، ایڈیشنل ڈی جی پی ایچ اے اور دیگر حکام بھی اس موقع پر موجود تھے۔مزید اہم خبریں
-
9مئی کو لوگ مجرمانہ عناصر کے مذموم سیاسی مقاصد نہیں سمجھ سکے اور ایندھن بن گئے
-
تاریخ کا سیاہ باب رقم کرنے والوں سے کوئی سمجھوتہ ہوسکتا ہے نہ ڈیل !
-
محب وطن پاکستانیوں کے دِل پر 9مئی کو لگنے والا زخم آج بھی تازہ ہے ‘مریم اورنگزیب
-
سیالکوٹ،عثمان ڈار کی والدہ ریحانہ ڈار کو گرفتار کر لیا گیا
-
ازبکستان کیساتھ مختلف شعبوں میں دوطرفہ تعاون میں مزید وسعت لانے کی ضرورت ہے ، صدرزرداری
-
پاکستان 9 مئی کے واقعات پر مٹی پاؤ کا متحمل نہیں ہوسکتا، بلاول بھٹو
-
محسن نقوی سے چینی سفیر جیانگ زی ڈونگ کی ملاقات،وزیر اعظم پاکستان کے دورہ چین کی تیاریوں کے حوالے گفتگو
-
محسن نقوی کا لاہور ائیرپورٹ پر امیگریشن کاونٹر پر آتشزدگی کے واقعہ کا نوٹس۔ تحقیقات کا حکم
-
محسن نقوی کی گوادر میں دہشت گردی کے واقعہ میں 7 افراد کے بہیمانہ قتل کی شدید مذمت
-
احسن اقبال کی چین کے نائب وزیر خارجہ سن ویڈونگ سے ملاقات
-
وزیراعظم سے قطر کے وزیر مملکت برائے خارجہ امور کی ملاقات، دو طرفہ تعلقات پر گفتگو
-
نو مئی کے واقعات ریاست اور اس کے اداروں کیخلاف بغاوت تھی ، وزیر اعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.