بھارتی ریاست مہاراشٹرا کے ایک سکول کے کچن سے درجنوں زہریلی سانپ نکل آئے

اتوار 15 جولائی 2018 13:20

مہاراشٹر (اُردو پوائنٹ اخبارتازہ ترین - آئی این پی۔ 15 جولائی2018ء) بھارتی ریاست مہاراشٹرا کے ایک سکول کے کچن سے درجنوں زہریلی سانپ نکل آئے۔بھارتی میڈیا کے مطابق ہنگولی ڈسٹرکٹ کے ضلع پریشاد سکول کے کچن سے سانپ برآمد ہوئے جس پر طلبہ و اساتذہ سمیت عملے کے ارکان میں کھلبلی مچ گئی۔

(جاری ہے)

پنگرابوخرے نامی گا ئو ں میں واقع اس سکول کے کچن میں ایک طالب علم نے سانپ کو دیکھا جس کی اطلاع اسکول پرنسپل کو دی، بچوں کے شور مچانے پر یہ خبر گا ئو ں میں آگ کی طرح پھیل گئی اور مکین ہاتھوں میں ڈنڈے اور پتھر اٹھائے تیزی سے اسکول پہنچ گئے۔

سکول پرنسپل نے بتایا کہ انہوں نے ہجوم کو سانپوں کو مارنے سے روک دیا اور ایک تربیت یافتہ سانپ پکڑنے کے ماہر شخص کو بلایا گیا جس نے دو گھنٹوں کی محنت کے بعد 60 زہریلے سانپوں کو بآسانی پکڑ کر بوتل میں بند کردیا اور بعدازاں انہیں محکمہ جنگلات کے حکام کے حوالے کردیا گیا۔

Facebook Twitter Google + Share on Whatsapp

بھارتی ریاست مہاراشٹرا کے ایک سکول کے کچن سے درجنوں زہریلی سانپ نکل آئے

متعلقہ عنوان :

مزید بین الاقوامی خبریں