سجاول ضلع میں نئے ایس پی اور نئے ایس ایچ اوز کی تقرری کے بعد پولیس کارروئیوں میں تیزی

میرپوربٹھورو پولیس نے جاتی چوک کے علاقے میں گھٹکے کی فیکٹری پر چھاپہ مارکرلاکھوں روپے کاسامان اور گھٹکے برآمد کرکے ایک شخص کو گرفتارکرلیا

منگل 17 جولائی 2018 23:16

سجاول (اُردو پوائنٹ اخبارتازہ ترین - این این آئی۔ 17 جولائی2018ء) سجاول ضلع میں نئے ایس پی اور نئے ایس ایچ اوز کی تقرری کے بعد پولیس کارروئیوں میں تیزی آگئی ہے۔

(جاری ہے)

گذشتہ روز میرپوربٹھورو پولیس نے جاتی چوک کے علاقے میں گھٹکے کی فیکٹری پر چھاپہ مارکرلاکھوں روپے کاسامان اور گھٹکے برآمد کرکے ایک شخص کو گرفتارکرلیاجبکہ دوملزمان کے خلاف گھٹکے اور چرس کامقدمہ درج کرلیاگیا، میرپوربٹھورو میں کچی شراب کی بٹھی پر چھاپہ مارکر ایک ہزار لیٹر کچی شراب برآمد کرکے ایک شخص کو گرفتارکرلیاگیاجبکہ چارملزمان کے خلاف کچی شراب اور دوکلوچرس برآمدگی کا مقدمہ درج کرلیاگیا، علاوہ ازیں دیگر دو افراد کو گرفتارکرکے ان کے قبضے سے کچی شراب برآمد کرلی گئی ، سجاول میں پولیس نے دو افراد کو جوئے کے الزام میں گرفتارکرکے مقدمہ قائم کرلیا۔