متحدہ عرب امارات ،خواتین کی توہین پر جرمانہ اور قید کی سزائیں،کنواروں پر مزید سختی

ہفتہ 11 اگست 2018 15:18

دبئی ۔ (اُردو پوائنٹ اخبارتازہ ترین - اے پی پی۔ 11 اگست2018ء) متحدہ عرب امارات نے خواتین کی توہین یا بدتمیزی میں ملوث پائے جانے والے افراد کے لئے جرمانہ اور قید کی سزائیں مقرر کردیں۔

(جاری ہے)

عرب میڈیا کے مطابق متحدہ عرب امارات کے فیڈرل قانون نمبر 3 کا آرٹیکل 359 مجریہ 1987 کے تحت کوئی بھی شخص سر عام یا ایسے کسی مقام میں جہاں پر آنا جانا رہتا ہے کسی خاتون سے الفاظ یا عملی طور پر بدتمیزی یا توہین کا مرتکب پایا گیا، تو اسے زیادہ سے زیادہ ایک سال قید یا دس ہزار درہم جرمانہ یا دونوں سزائیں دی جاسکتی ہیں۔

اس کے علاوہ بلدیہ دبئی نے کنوارے مردوں کو سختی کے ساتھ پابند کیا ہے کہ وہ ہرگز فیملی والے علاقوں اور اپارٹمنٹس میں رہائش اختیار نہ کریں، وہ صرف بلدیہ کی جانب سے کنوارے افراد کے لئے مقررہ علاقوں اور میں رہائش اختیارکرسکتے ہیں۔