میرا پانامہ جے آئی ٹی کی تشکیل یا اس میں فوجی افسران کی شمولیت پر کوئی عمل دخل نہیں تھا، چوہدری نثار

رجسٹرار نے آئی ایس آئی اور ایم آئی سے خود رابطہ کیا تھا، جے آئی ٹی اعلیٰ عدلیہ کے تین رکنی بینچ کے حکم پر تشکیل دی گئی تھی

بدھ 15 اگست 2018 22:20

میرا پانامہ جے آئی ٹی کی تشکیل یا اس میں فوجی افسران کی شمولیت پر کوئی ..

اسلام آباد(اُردو پوائنٹ اخبارتازہ ترین - آن لائن۔ 15 اگست2018ء) سابق وفاقی وزیر داخلہ چوہدری نثار علی خان نے کہا ہے کہ میرا پانامہ جے آئی ٹی کی تشکیل یا اس میں فوجی افسران کی شمولیت کے معاملے پر کوئی عمل دخل نہیں تھا، رجسٹرار نے آئی ایس آئی اور ایم آئی سے خود رابطہ کیا تھا، جے آئی ٹی اعلیٰ عدلیہ کے تین رکنی بینچ کے حکم پر تشکیل دی گئی تھی۔

(جاری ہے)

جے آئی ٹی کی تشکیل کے معاملے پر چیف جسٹس ثاقب نثار کے ریمارکس پر رد عمل دیتے ہوئے چوہدری نثار علی خان نے کہا کہ جے آئی ٹی کی تشکیل پر مجھ سے کوئی مشاورت نہیں کی گئی ، میرا جے آئی ٹی پر کوئی دخل نہیں تھا، جے آئی ٹی کی تشکیل اعلیٰ عدلیہ کے تین رکنی بینچ کے حکم پر ہوئی تھی ۔ فوجی افسران کے جے آئی ٹی میں شمولیت اسی فیصلے کا حصہ تھی ، رجسٹرار نے متعلقہ اداروں سے افسران کے نام مانگے تھے اور آئی ایس آئی اور ایم آئی سے بھی خود رابطہ کیاتھا۔ انہوں نے کہا کہ پاناما جے آئی ٹی کی تشکیل میں وزارت یا حکومتی شخصیت شامل نہیں تھی ۔