اکشے اور رجنی کانت کی فلم 2.0 کے ٹیزر نے دھوم مچادی

فلم ’2.0 ‘ رواں سال 29 نومبر کو سنیما گھروں کی زینت بنے گی

جمعہ 14 ستمبر 2018 12:15

اکشے اور رجنی کانت کی فلم 2.0 کے ٹیزر نے دھوم مچادی

ممبئی(اُردو پوائنٹ اخبارتازہ ترین - این این آئی۔ 14 ستمبر2018ء) بالی ووڈ کے ایکشن ہیرو اکشے کمار اور رجنی کانت کی سائنس فکشن فلم 2.0 کے ٹیزر نے آتے ہی دھوم مچادی۔

(جاری ہے)

بھارت میں اب تک بننے والی سب سے بڑے بجٹ (450 کروڑ) کی سائنس فکشن فلم ’’2.0‘‘ کا ٹیزر آخرکار طویل انتظار کے بعد جاری کردیا گیا، یہ فلم رجنی کانت کی بلاگ بسٹر فلم ’روبوٹ‘ کا سیکوئل ہے جس میں ان کے مدمقابل اکشے کمارایکشن میں نظرآئیں گے اس طرح یہ دونوں اداکاروں کی پہلی ایکشن فلم ہے جس کا مداحوں کو بے صبری سے انتظار ہے جب کہ فلم رواں سال 29 نومبر کو دیوالی کے موقع پر ریلیز کی جائے گی۔

بھارتی میڈیا رپورٹس کے مطابق بالی ووڈ کے ایکشن اور سائنس فکشن سے بھرپور فلم ’2.0‘ کا پہلا ٹیزر جاری کردیا گیا ہے جس میں ’VFX‘ کے بھرپوراستعمال کے ذریعے اکشے اور رجنی کانت کے درمیان ہونے والی جنگ کو حقیقی شکل میں ڈھالنے کی کوشش کی گئی ہے۔فلم 2.0 کے 1 منٹ اور 31 سیکنڈ کے ٹیزر میں اکشے کمار کو ایسے کردار میں دکھایا گیا ہے جوکہ اپنی طاقت سے عوام کو موبائل فونز سے محروم کر دیتے ہیں جسے رجنی کانت ایک روبوٹ کی مدد سے روکنے کی کوشش کرتے ہیں۔