سری لنکا اور بھارت کی ٹیموں کے درمیان پانچ ٹی ٹونٹی کرکٹ میچوں پر مشتمل سیریز کا پہلا میچ کل کھیلا جائیگا

منگل 18 ستمبر 2018 12:56

دبئی (اُردو پوائنٹ اخبارتازہ ترین - این این آئی۔ 18 ستمبر2018ء) آئی سی سی ویمن کرکٹ چمپئن شپ کے سلسلے میں سری لنکا اور بھارت کی ٹیموں کے درمیان پانچ ٹی ٹونٹی کرکٹ میچوں پر مشتمل سیریز کا پہلا میچ کل بدھ کو کھیلا جائیگا شیڈول کے مطابق دونوں ٹیموں کے درمیان پانچ ٹی ٹونٹی میچوں کی سیریز کا دوسرا میچ 21 ستمبر کو کولمبو میں کھیلا جائیگا، تیسرا میچ 22 ستمبر کو کولمبو میں کھیلا جائیگا، چوتھا میچ 24 ستمبر کو کھیلا جائیگا جبکہ پانچواں اور آخری ٹی ٹونٹی میچ 25 سمتبر کو کھیلا جائیگا۔

(جاری ہے)

یاد رہے کہ اس سے قبل بھارتی ٹیم نے میزبان ٹیم کو تین ون ڈے میچوں کی سیریز میں 2-1 سے شکست دی تھی ،ْبھارت ویمن نے سری لنکا ویمن کو پہلے ون ڈے میں یکطرفہ مقابلے کے بعد 9 وکٹوں جبکہ دوسرے ون ڈے میں 7 رنز سے شکست دے کر سیریز میں فیصلہ کن برتری حاصل کی تھی تاہم تیسرے اور آخری میچ میں سری لنکن کرکٹ ٹیم نے بھارت کو 3 وکٹوں سے شکست دی تھی۔