حیدر آباد میں 70 سے زائد ایڈز کے کیسز سامنے آنے کا انکشاف

مریض کراچی سے علاج کروانے مجبور، علاقہ مکینوں کا مزید لوگوں کی سکریننگ کرنے کا مطالبہ

منگل 18 ستمبر 2018 16:27

حیدر آباد(اُردو پوائنٹ اخبارتازہ ترین - این این آئی۔ 18 ستمبر2018ء) حیدر آباد میں 70 سے زائد ایڈز کے کیسز سامنے آنے کا انکشاف ہوا ہے۔ایڈز سے متاثرہ افراد میں خواتین اور بچے بھی شامل، مریض کراچی سے علاج کروانے مجبور، علاقہ مکینوں نے مزید لوگوں کی سکریننگ کرنے کا مطالبہ کیا ہے۔ ذرائع کے مطابق نواحی علاقے یو سی بارچانی کے چھ دیہاتوں میں ایڈز کے کیسز سامنے آئے ہیں۔

متاثرہ مریضوں میں کئی خواتین اور بچے بھی شامل ہیں۔

(جاری ہے)

کوآرڈیننر ایڈز کنٹرول پروگرام اسد کھتری کے مطابق 31 اگست سے 6 ستمبر تک محکمہ صحت نے 1123 افراد کی سکریننگ کی ہے جن میں سے مزید 22 کیسز سامنے آئے ہیں۔ انہوں نے بتایا کہ بیشتر مریضوں کا باقاعدہ علاج جاری ہے۔ادھر علاقہ مکینوں نے ایڈز سے متاثرہ افراد کی تعداد میں اضافے کا خدشہ ظاہر کرتے ہوئے مزید لوگوں کے سکریننگ ٹیسٹ لینے کا مطالبہ کیا ہے۔ علاقہ مکینوں کا کہنا ہے کہ حیدر آباد میں سینٹر ہونے کے باوجود ایڈز کے مریض کراچی سے علاج کروانے مجبور ہیں۔