مکئی کی فصل کو جڑی بوٹیوں سے پاک رکھنے کیلئے دو سے تین مرتبہ گوڈی کی ہدایت کر دی گئی

ہفتہ 22 ستمبر 2018 13:17

فیصل آباد(اُردو پوائنٹ اخبارتازہ ترین - اے پی پی۔ 22 ستمبر2018ء) کاشتکاروں کو مکئی کی فصل کو جڑی بوٹیوں سے پاک رکھنے کیلئے دو سے تین مرتبہ گوڈی کی ہدایت کی گئی ہے اور کہاگیاہے کہ کاشتکار جڑی بوٹیوں کی بروقت تلفی یقینی بنائیں اور آخری گوڈی پر کھیلیاں بناتے ہوئے پودوں پر مٹی چڑھا دیں تاکہ موسم کی تبدیلی کے باعث تیز ہوائیں چلنے اور آندھی آنے سے مکئی کی فصل گرنے سے محفو ظ رہ سکے نیز مکئی کو کم از کم 6سی8مرتبہ پانی ضرورلگایاجائے اور آبپاشی کا وقفہ فصل کی صورتحال کو دیکھ کر کم یازیادہ کیاجاسکتاہے تاہم ا س بات کا بھی خاص خیال رکھنا چاہیے کہ مکئی کی فصل پانی کی زیادتی برداشت نہیں کرتی لہٰذا اگر کھیت میں فالتو پانی موجود ہو تو فوری طور پر اسے نکالنے کا بندوبست کیاجائے۔

(جاری ہے)

جامعہ زرعیہ فیصل آبادکے زرعی ماہرین نے بتایاکہ مکئی کا قد ایک سے ڈیڑھ فٹ ہونے پر یوریا کھاد کی پونی بوری فی ایکڑ ڈالنی چاہیے نیز کیڑوں کے خاتمہ کیلئے کیمیائی انسداد بھی ضروری ہے۔