چین کی ستمبر کے دوران کوئلے کی درآمد میں 12 فیصد کمی

منگل 16 اکتوبر 2018 11:24

بیجنگ ۔ (اُردو پوائنٹ اخبارتازہ ترین - اے پی پی۔ 16 اکتوبر2018ء) چین نے کہا ہے کہ ستمبر کے دوران اس کی کوئلے کی درآمد میں 12 فیصد کمی ہوئی جس کی وجہ سمندری طوفان کے باعث درآمدی سرگرمیوں میں کمی ہے۔

(جاری ہے)

محکمہ کسٹم کی جانب سے جاری رپورٹ کے مطابق ستمبر کے دوران کوئلے کی مجموعی درآمد 25.14 ملین ٹن رہی جو اگست کی نسبت 12 فیصد جبکہ ستمبر 2017ء کے مقابلے میں 7 فیصد کم ہے۔ انھوں نے بتایا کہ چن ہوانگڈو کی بندرگاہ پر سمندری طوفان کے باعث درآمدی سرگرمیاں معطل ہونے سے بھی کوئلے کی درآمد میں کمی ہوئی۔ ان کا کہنا تھا کہ سال کے پہلے 9 ماہ کے دوران کوئلے کی مجموعی درآمد 228.96 ملین رہی جو 2017ء کے اسی عرصے کے مقابلے میں 12 فیصد زیادہ ہے۔

Facebook Twitter Google + Share on Whatsapp

چین کی ستمبر کے دوران کوئلے کی درآمد میں 12 فیصد کمی

متعلقہ عنوان :

مزید تجارتی خبریں