آئی سی سی ٹیسٹ رینکنگ: پاکستان نے آسٹریلیا کو تیسری پوزیشن سے محروم کردیا

پاکستان سے شکست کے بعد آسٹریلیا تیسری سے پانچویں پوزیشن پر آ گیا ،ْرپورٹ

جمعہ 19 اکتوبر 2018 19:00

دبئی(اُردو پوائنٹ اخبارتازہ ترین - این این آئی۔ 19 اکتوبر2018ء) پاکستان نے آسٹریلیا کو ابوظہبی ٹیسٹ اور سیریز میں شکست دیکر آئی سی سی کی ٹیسٹ رینکنگ میں تیسری پوزیشن سے محروم کر دیا۔ابوظہبی میں کھیلے گئے ٹیسٹ میں پاکستان نے محمد عباس کی تباہ کن بولنگ کے باعث آسٹریلیا کو 373 رنز کے بڑے مارجن سے شکست دی۔

(جاری ہے)

آئی سی سی کی جانب سے جاری تازہ ترین رینکنگ کے مطابق پاکستان سے شکست کے بعد آسٹریلین ٹیم تیسری سے پانچویں پوزیشن پر آ گئی ہے۔

انٹرنیشنل کرکٹ کونسل کی نئی رینکنگ میں پاکستان 95 ریٹنگ پوائنٹس کیساتھ ساتویں پوزیشن پر برقرار ہے جبکہ سری لنکا دو پوائنٹس کی برتری کے ساتھ چھٹے نمبر پر ہے۔نئی ٹیسٹ رینکنگ کے مطابق بھارت بدستور پہلے نمبر پر براجمان ہے جبکہ جنوبی افریقا دوسرے، انگلینڈ تیسرے اور نیوزی لینڈ کی چوتھی پوزیشن ہے۔