اسرائیلی پولیس اسٹیشن میں ایک فلسطینی کی طرف سے پولیس اہلکاروں پر چاقو سے حملہ

حملہ آور باڑ پھلانگ کر اندر آیا اور حملے شروع کر دیے، فائرنگ کر کے زخمی کیا اور گرفتار کر لیاہے،پولیس

جمعرات 15 نومبر 2018 17:46

تل ابیب (اُردو پوائنٹ اخبارتازہ ترین - این این آئی۔ 15 نومبر2018ء) اسرائیلی پولیس نے کہا ہے کہ چاقو سے مسلح ایک فلسطینی نے یروشلم کے ایک پولیس اسٹیشن میں پولیس اہلکاروں پر حملہ کر دیا جس کے نتیجے میں چار پولیس اہلکار معمولی زخمی ہوئے۔

(جاری ہے)

غیرملکی خبررساں ادارے کے مطابق پولیس نے بتایاکہ یہ شخص باڑ پھلانگ کر اندر آیا اور لوگوں پر حملے شروع کر دیے۔ پولیس نے اس حملہ آور کو فائرنگ کر کے زخمی کیا اور گرفتار کر لیا۔ یہ واقعہ ایک ایسے موقع پر پیش آیا جب فلسطینیوں اور اسرائیلیوں کے درمیان شدید جھڑپوں کے بعد ایک دوسرے پر مزید حملے نہ کرنے پر اتفاق ہوا ہے۔