Live Updates

حکومت کا اپوزیشن کو چیئرمین پی اے سی اور دیگر قائمہ کمیٹیوں پر قائل کرنے کی کوشش کرنے کا فیصلہ

حکومت ایک بار پھر اپوزیشن سے مذاکرت کریگی ،ْ چیئرمین پی اے سی اپوزیشن سے لیا جائیگا ،ْذرائع

پیر 3 دسمبر 2018 22:21

اسلام آباد(اُردو پوائنٹ اخبارتازہ ترین - این این آئی۔ 03 دسمبر2018ء) حکومت نے اپوزیشن کو چیئرمین پی اے سی اور دیگر قائمہ کمیٹیوں پر قائل کرنے کی کوشش کرنے کا فیصلہ کیا ہے۔ وزیراعظم عمران خان کی زیر صدارت مشاورتی اجلاس ہوا جس میں اسپیکر و ڈپٹی اسپیکر، وزیر دفاع، وزیر پارلیمانی امور، سمیت پارٹی کے اہم رہنماؤں نے شرکت کی، سینیٹر شبلی فراز اور عامر ڈوگر بھی اجلاس میں شامل ہوئے۔

(جاری ہے)

ذرائع کے مطابق وزیراعظم نے پارلیمنٹ کو مزید مضبوط بنانے کا عزم ظاہر کرتے ہوئے کہا کہ اب پارلیمان کے اجلاسوں میں پہلے سے زیادہ شرکت کروں گا۔ حکومت نے اپوزیشن کو چیئرمین پی اے سی اور دیگر قائمہ کمیٹیوں پر قائل کرنے کی کوشش کرنے کا بھی فیصلہ کیا ہے۔ذرائع کے مطابق حکومت ایک بار پھر اپوزیشن سے مذاکرت کرے گی اور یہ عندیہ بھی دیا گیا ہے کہ چیئرمین پی اے سی اپوزیشن سے لیا جائے گا۔