افریقی ملک کانگو میں باغیوں اور حکومتی فورسز کے درمیان جھڑپ میں 14 جنگجو اور 4 فوجی اہلکار ہلاک

منگل 4 دسمبر 2018 18:20

کنشاسا(اُردو پوائنٹ اخبارتازہ ترین - این این آئی۔ 04 دسمبر2018ء) افریقی ملک کانگو میں باغیوں اور حکومتی فورسز کے درمیان جھڑپ میں 14 جنگجو اور 4 فوجی اہلکار ہلاک ہوگئے۔عالمی میڈیا کے مطابق کانگو کے جنوبی علاقے میں فوج اور باغی جنگجوئوں کے درمیان گھمسان کی جنگ ہوئی ،ْباغی جنگجو معدنیات سے بھرے علاقے کا کنٹرول حاصل کرنا چاہتے تھے جسے فوج نے ناکام بنا دیا۔

(جاری ہے)

کانگو کے اس علاقے میں صدر کابیلا کے مخالف سابق کانگو آرمی جنرل ولیم اموری یکتومبا اپنے وفاداروں کے ہمراہ باغیوں کے گروپ میں ضم ہوگئے اور بروندی پر قبضہ کیا، جہاں اقوام متحدہ کی فورسز نے باغیوں کو پیچھے کو دھکیلا۔کانگو میں لمبے عرصے سے صدارت کے عہدے پر براجمان صدر جوزف کابیلا کی تبدیلی کیلئے بالآخر 23 دسمبر کو انتخابات ہونے جا رہے ہیں تاہم اس سے قبل ہی امن عامہ کی صورت حال مزید مخدوش ہوگئی ۔لسانی فسادات سے گھرے کانگو میں بیلجیئم سے 1960 میں آزادی کے بعد سے اب تک کبھی بھی انتقال اقتدار پرامن طریقے سے مکمل نہیں ہو پایا ہے ،ْ موجود صدر بھی 2001 سے اپنے عہدے پر براجمان ہیں۔