میکسیکو ‘چرچ میں آتش بازی کے سامان میں دھماکے سے 8 افراد ہلاک‘50زخمی

بدھ 12 دسمبر 2018 20:42

میکسیکو سٹی(اُردو پوائنٹ اخبارتازہ ترین - این این آئی۔ 12 دسمبر2018ء) میکسیکو کے ایک چرچ میں آتش بازی کے سامان میں دھماکے سے 8 افراد ہلاک اور50کے قریب زخمی ہو گئے۔ہلاک ہونے والے افراد میں گیارہ اور بارہ سال کی عمر کے دو بچے بھی شامل ہیں۔

(جاری ہے)

مقامی پولیس کے مطابق میکسیکو سٹی سے 90 میل دور ٹکیوسکیواپین نامی شہر کے سان جوز چرچ میں ایک مذہبی تقریب کے دوران چرچ میں رکھے آتش بازی کے سامان میں آگ بھڑک اٹھی جس کی وجہ سے دھماکوں نے کم از کم 8افراد کی جان لے لی اور 50کے قریب زخمی ہو گئے۔ایمرجنسی ریسپونس کے اہلکار گبریل بسٹا رچیا کے مطابق چرچ میں کسی تہوار کے لئے آتش بازی کا سامان عطیہ کیا گیا تھا جس میں اس وقت دھماکے شروع ہو گئے جب لوگوں کی بڑی تعداد چرچ میں موجود تھی۔