12ویں پریمیئر فٹ بال لیگ میں (کل) مزید دو میچز کے فیصلے ہوں گے

بدھ 9 جنوری 2019 19:00

اسلام آباد ۔ (اُردو پوائنٹ اخبارتازہ ترین - اے پی پی۔ 09 جنوری2019ء) پاکستان فٹ بال فیڈریشن کے زیر اہتمام جاری 12 ویں پریمیئر فٹ بال لیگ میں (کل) جمعرات کو مزید دو میچز کھیلے جائیں گے۔ تفصیلات مطابق کے پی ٹی سٹیڈیم میں پاکستان نیوی اور نیشنل بینک آف پاکستان کی ٹیموں کے درمیان کھیلا جائے گا۔ کے ایم سی سٹیڈیم میں پاکستان واپڈا کا مقابلہ کراچی الیکٹرک سے ہوگا۔

(جاری ہے)

پاکستان فٹ بال فیڈریشن کے جنرل سیکرٹری سید شرافت حسین بخاری نے بتایا کہ لیگ میں ملک بھر سے پندرہ ٹیمیں حصہ لے رہی ہیں جن میں پاکستان آرمی، پاکستان نیوی، پاکستان ائیرفورس، پاکستان واپڈا، خان ریسرچ لیبارٹریز (کے آر ایل) راولپنڈی، سوئی سدرن گیس کمپنی، سوئی ناردرن گیس پائپ لائینز، پاکستان سول ایوی ایشن، کراچی پورٹ ٹرسٹ،نیشنل بینک آف پاکستان، کراچی الیکٹرک، مسلم کلب، افغان چمن، بلوچ نوشکی اور اشرف شوگر ملز بہاولپور شامل ہیں۔ لیگ کا آخری میچ سوئی سدرن گیس کمپنی کا مقابلہ کے آر ایل کی ٹیموں کے درمیاں 13 جنوری کو کھیلا جائے گا۔