ممکنہ بارش اور طوفان کی صورت میں اپنے گھروں تک محدود رہیں،نیشنل ڈیزاسٹر مینیجمینٹ اٹھارٹی اسلام آباد کا مراسلہ

منگل 23 اپریل 2019 22:31

اسلام آباد (اُردو پوائنٹ اخبارتازہ ترین - آن لائن۔ 23 اپریل2019ء) نیشنل ڈیزاسٹر مینیجمینٹ اٹھارٹی اسلام آباد کی جانب سے جاری کردہ مراسلہ کے مطابق منگل سے جمعرات کے درمیان تیز آندھی، بارش اور طوفان کی توقع کی جا سکتی ہے جس کے پیش نظر عوام الناس کو پیغام دیا گیا جاتا ہے کہ عوام اختیاطی تدبیر اپنا کر محفوظ رہیں، بارش طوفان کی صورت میں بے وجہ گھر سے نہ نکلیں چھتوں اور صحن کی صفائی ستھرائی یقنی بنائیں غیر ضروری اشیا کو ٹھکانے لگائیں، دریا کے کنارے جانے سے اجتناب کریں.

گھروں، گلیوں، نالیوں میں پانی اکٹھا ہونے کی صورت میں میونسپل کمیٹی جہلم کے آفیسر رانا اشفاق موبائل نمبر 03009518898 اور پی ایس او ٹو ڈی سی جہلم مو بائل نمبر 03215437601 سے رابطہ کریں. عوام موٹر سائیکل اور گاڑیاں اختیاط اور دھیمی رفتار میں چلائیں. بدلتی موسم کی ایسی صورتحال میں عوام اختیاط سے کام لیں اس کے علاوہ بجلی کی تاروں اور کھمبوں سے بھی دور رہیں