چیف جسٹس آصف سعید خان کھوسہ کی زیر صدارت پولیس اصلاحات کمیٹی کا اجلاس ، پولیس ریفارمز بارے سفارشات پر غور کیا گیا

منگل 7 مئی 2019 00:12

اسلام آباد(اُردو پوائنٹ اخبارتازہ ترین - این این آئی۔ 06 مئی2019ء) چیف جسٹس آف پاکستان جسٹس آصف سعید خان کھوسہ کی زیر صدارت پولیس اصلاحات کمیٹی کا اجلاس منعقد ہوا جس میں پولیس ریفارمز کے حوالے سے سفارشات پر غور کیا گیا۔تفصیلات کے مطابق پیر کو چیف جسٹس آف پاکستان جسٹس آصف سعید خان کھوسہ کی زیر صدارت پولیس اصلاحات کمیٹی کا اجلاس منعقد ہوا۔

(جاری ہے)

اجلاس میں جس میں چاروں صوبوں کے آئی جیز ،آئی جی اسلام آباد، گلگت ،آئی جی آزادکشمیر ،سابق آئی جی سید محسود شاہ، شوکت جاوید، طارق کھوسہ، افضل شگری، اسد جہانگیر خان، چوہدری افتخار احمد، فیاض خان طور ،سابق ڈی جی ایف آئی اے طارق پرویز ،ڈی آئی جی آپریشنز اسلام آباد وقار الدین اور اے آئی جی لیگل اسلام آباد کامران عادل شریک ہوئے۔ اجلاس میں ڈی آئی جی ہیڈکوارٹر پشاور شیر اکبر کے علاوہ دیگر متعلقین نے بھی شرکت کی۔اجلاس میں پولیس ریفارمز کے حوالے سے سفارشات پر غور کیا گیا۔