پنجاب حکومت نے سانحہ داتا دربار کی تحقیقات کیلئے جے آئی ٹی تشکیل دے دی

جمعہ 10 مئی 2019 23:57

لاہو ر(اُردو پوائنٹ اخبارتازہ ترین - این این آئی۔ 10 مئی2019ء) پنجاب حکومت نے سانحہ داتا دربار کی تحقیقات کیلئے مشترکہ تحقیقاتی ٹیم ( جے آئی ٹی ) تشکیل دے دی،جے آئی پانچ رکنی ممبران پر مشتمل ہوگی ۔

(جاری ہے)

محکمہ داخلہ کی جانب سے جاری کردہ نوٹیفکیشن کے مطابق جے آئی ٹی کے سربراہ سی ٹی ڈی کے ایس پی صہیب اشرف ہوں گے جبکہ اس کے دیگر ممبران میں آئی بی ،آئی ایس آئی اور ایم آئی کے نمائندے شامل ہوں گے۔ محمد خالد انسپکٹر انویسٹی گیشن آفیسر سی ٹی ڈی لاہور بھی ممبر ہوں گے ۔ جے آئی ٹی سانحہ داتا دربار کے حوالے سے اپنی رپورٹ مکمل کرکے آئندہ ایک ہفتہ میں محکمہ داخلہ کو پیش کرے گی ۔