جاپانی وزیراعظم کا جون کے وسط میں دورہ ایران پر غور

ہفتہ 25 مئی 2019 09:50

ٹوکیو ۔ (اُردو پوائنٹ اخبارتازہ ترین - اے پی پی۔ 25 مئی2019ء) جاپانی وزیراعظم شنزو آبے بظاہر امریکا اور ایران کے درمیان کشیدگی کم کرانے کے لیے ایران کا دورہ کرنے پر غور کر رہے ہیں۔ 1978ء کے بعد سے کسی جاپانی وزیر اعظم کا یہ پہلا ایسا دورہ ہوگا۔

(جاری ہے)

جاپانی ذرائع ابلاغ کے مطابق ذرائع کا کہنا ہے کہ شنزوآبے جون کے وسط میں ایرانی صدر حسن روحانی کے ساتھ ملاقات کے لیے ایران کا دورہ کرنے کا سوچ رہے ہیں۔ یہ توقع ہے کہ وہ اس حوالے سے حتمی فیصلہ پیر کو امریکی صدر ڈونلڈ ٹرمپ سے ٹوکیو میں ملاقات کے بعد کریں گے۔شنزو آبے ایران کے ساتھ روایتی دوستانہ تعلقات کو قدر کی نگاہ سے دیکھتے ہیں۔ وہ 2013ء سے ہر سال نیویارک میں جنرل اسمبلی کے اجلاس کے موقع پر صدر روحانی سے ملتے رہے ہیں۔