پاک افغان سرحد پر جدید ترین کیمروں سے نگرانی کا عمل شروع

830 کلومیٹر علاقے میں باڑ لگانے کا کام رواں سال مکمل کرلیا جائے گا،رپورٹ

اتوار 16 جون 2019 19:15

پاک افغان سرحد پر جدید ترین کیمروں سے نگرانی کا عمل شروع

پشاور (اُردو پوائنٹ اخبارتازہ ترین - آن لائن۔ 16 جون2019ء) پاک فوج کی جانب سے ضلع خیبرسے منسلک افغانستان کے ساتھ سرحد پرباڑ لگانے کا عمل تیزی سے جاری ہے، آٹھ سو تیس کلومیٹر علاقے میں باڑ لگانے کا کام رواں سال مکمل کرلیا جائے گا،میڈیا رپورٹس کے مطابق سرحد پر جدید ترین کیمروں سے نگرانی کا عمل بھی شروع کر دیا گیا ہے، قبائلی ضلع خیبرمیں پاک افغان سرحد کو محفوظ بنانے کیلئے باڑ لگانے کا کام تیزی سے جاری ہے۔

(جاری ہے)

خیبر سے متصل افغانستان کے ساتھ مجموعی طور پر 14 سو کلومیٹر علاقے میں باڑ لگائی جائیگی جس میں سے 830 کلو میٹر علاقے میں باڑ کا کام رواں سال مکمل ہو گا۔ بارڈر پر جدید ترین کیمروں سے نگرانی کا عمل بھی شروع کر دیا گیا ہے ۔ سرحدی علاقے میں 700 چیک پوسٹیں قائم کی گئی ہیں، باڑ لگانے کے عمل سے نہ صرف سرحد محفوظ ہو گی بلکہ بیرونی دراندازی کو بھی روکا جاسکے گا۔ پاک افغان بارڈر پر 70سے 80 فیصد باڑ لگانے کا کام مکمل کیا جاچکا ہے جو اگلے سال تک مکمل کرلیا جائے گا۔