اسلام آباد سمیت ملک کے مختلف علاقوں میں زلزلے کے جھٹکے

زلزلے کا مرکز افغان تاجکستان کا سرحدی علاقہ تھا ، شدت 5.5 ریکارڈ

ہفتہ 10 اگست 2019 21:21

اسلام آباد (اُردو پوائنٹ اخبارتازہ ترین - آن لائن۔ 10 اگست2019ء) اسلام آباد سمیت ملک کے مختلف علاقوں میں زلزلے کے جھٹکے محسوس کیے گئے ہیں۔زلزلہ پیما مرکز کے مطابق زلزلے کا مرکز افغان اور تاجکستان کا سرحدی علاقہ تھا جس کی شدت 5.5 ریکارڈ کی گئی۔زلزلہ 70 کلومیٹر زیر زمین آیا۔

(جاری ہے)

اس سے قبل 4.5 شدت کا زلزلہ بھی آیا تھا۔ دو روز قبل بھی پاکستان کے مختلف شہروں میں صبح سویرے زلزلے کے جھٹکے محسوس کیے گئے تھے۔زلزلہ پیما مرکز کے مطابق زلزلے کی شدت 7.8 ریکارڈ کی گئی جس کا مرکز افغانستان میں ہندوکش کا پہاڑی سلسلہ تھا۔زلزلہ پیما مرکز نے بتایا کہ زلزلے کی گہرائی زیر زمین 222 کلو میٹر تھی۔