پی آئی اے کا حج آپریشن کامیابی سے مکمل ،300حج پروازوں کے ذریعے 83ہزار سے زائد حجاج کرام کو وطن پہنچایا

اتوار 15 ستمبر 2019 19:30

اسلام آباد (اُردو پوائنٹ اخبارتازہ ترین - این این آئی۔ 15 ستمبر2019ء) پی آئی اے کا حج آپریشن کامیابی سے مکمل ہوگیا،پی آئی اے نے 300حج پروازوں کے ذریعے 83ہزار سے زائد حجاج کرام کو وطن پہنچایا۔

(جاری ہے)

اتوار کو ترجمان کے مطابق پی آئی اے نے کراچی،لاہور،اسلام آباد،ملتان،پشاور،سیالکوٹ اور کوئٹہ کیلئے حج پروازیں آپریٹ کیں،پی آئی اے نے جدہ اور مدینہ سے حجاج کرام کو بروقت وطن پہنچانے کی شرح90فیصد سے زائد رہی۔ سی ای او ائیر مارشل ارشد ملک نے کہاکہ پی آئی اے کی تاریخ میں پہلی مرتبہ حج آپریشن اپنے ہی طیاروں سے مکمل کیا،حج آپریشن میں بوئنگ777اور ایئربس320طیارے استعمال کیے گئے۔