پی ٹی اے کا ایف آئی اے اور آئی بی کے ساتھ مل کر چھاپہ‘ ایک غیرقانونی ٹریفک سیٹ اپ ضبط کر لیا گیا

جمعرات 19 ستمبر 2019 21:16

اسلام آباد ۔ (اُردو پوائنٹ اخبارتازہ ترین - اے پی پی۔ 19 ستمبر2019ء) غیرقانونی گرے ٹریفک کی روک تھام کے حوالے سے جاری کوششوں کے سلسلے میں پاکستان ٹیلی کمیونیکیشن اتھارٹی (پی ٹی ای) نے فیڈرل انویسٹی گیشن ایجنسی (ایف آئی ای) اور انٹیلی جنس بیورو (آئی بی) کے ساتھ مل کر ایک کامیاب چھاپہ مارا۔ یہ چھاپہ ’’بلاک رضا آباد، بازار نمبر 1، فیصل آباد‘‘ میں ایک غیر قانونی وی آئی پی سیٹ اپ پر مارا گیا۔

(جاری ہے)

چھاپے کے دوران ایک غیرقانونی ٹریفک سیٹ اپ ضبط کر لیا گیا جبکہ ٹیم نے 19 فعال غیر قانونی گیٹ ویزاور5000 سمز بشمول 11رائوٹرز، 4 سمارٹ فون، 14 انٹرنیٹ ڈیوائسز اور18 لیپ ٹاپ وغیرہ سمیت دیگر متعلقہ آلات قبضہ میں لے لئے ہیں۔ موقع پرتین افراد کو گرفتار کر لیا گیا تاہم مزید تفتیش ابھی جاری ہے۔ غیر قانونی ٹریفک کی روک تھام کے لئے یہ کامیاب چھاپہ پی ٹی اے کی لگاتار مانیٹرنگ، عزم اور مسلسل کوششوں کی بدولت ممکن ہوا تاکہ قومی خزانے کو ان غیر قانونی گرے اسمگلروں کی وجہ سے ہونے والے ممکنہ نقصان سے بچایا جا سکے۔