شہزادہ ولیم اور شہزادی کیٹ مڈلٹن کی آمد سے پاکستان اور برطانیہ کے تعلقات کو مزید تقویت ملے گی، مسلم لیگ (ن) کے صدر شہباز شریف کا بیان

منگل 15 اکتوبر 2019 12:00

اسلام آباد (اُردو پوائنٹ اخبارتازہ ترین - اے پی پی۔ 15 اکتوبر2019ء) پاکستان مسلم لیگ (ن) کے صدر اور قائد حزب اختلاف شہباز شریف کا برطانوی شاہی جوڑے کی پاکستان آمد پر خیرمقدم کیا ہے منگل کو اپنے بیان میں انہوں نے کہا کہ شہزادہ ولیم اور شہزادی کیٹ مڈلٹن کو خوش آمدید کہتے ہیں، شاہی جوڑے کی آمد سے پاکستان اور برطانیہ کے تعلقات کو مزید تقویت ملے گی۔

(جاری ہے)

انہوں نے کہا کہ پاکستان کے عوام شاہی جوڑے کی پہلی بار یہاں آمد پر مسرت کا اظہار کرتے ہیں، امید ہے شاہی جوڑے کا یہاں قیام یادگار ثابت ہوگا اور وہ پاکستانی عوام کی محبت، خیرسگالی اور گرمجوش میزبانی کے احساسات لے کر واپس جائیں گے۔ انہوں نے کہا کہ شاہی جوڑے کی آمد سے دنیا میں پاکستان کا مثبت امیج بڑھے گا۔