لاہور(اُردو پوائنٹ اخبارتازہ ترین - این این آئی۔ 17 اکتوبر2019ء) انسپکٹر جنرل پولیس
پنجاب کیپٹن (ر) عارف نواز خان کے احکامات پر
پولیس ملازمین کی ویلفیئر کیلئے ہر سطح پر اقدامات کا سلسلہ جاری ہے تاکہ
پولیس فورس اپنی پوری توانائی ، جوش و جذبے اور فرض شناسی کے ساتھ شہریوں کی خدمت اور حفاظت کے فرائض سر انجام دے سکے
۔پولیس ملازمین کی صحت کیلئے اقدامات کے سلسلے میں
پنجاب پولیس اور سرور فائونڈیشین کے اشتراک سے سنٹرل
پولیس آفس میں ہیپاٹائٹس سکریننگ کیمپ کا انعقاد کیا گیا جس میں سی پی او کے مختلف شعبوں میں کام کرنے والے
پولیس ملازمین کی بڑی تعداد نے ہیپاٹائٹس اے، بی اور سی کے ٹیسٹ کروائے ۔
اس کیمپ میں بیگم گورنر
پنجاب مسز پروین سرور نے خصوصی طور پر شرکت کی اور کام میں مصروف ڈاکٹروں اور طبی عملے سے سکریننگ کیمپ کے رسپانس بارے دریافت کیا۔
(جاری ہے)
سکریننگ کیمپ میں ڈاکٹرز اور طبی عملے نے مجموعی طور پر تقریبا 550 پولیس ملازمین کے ٹیسٹ کئے جن میں سے صرف آٹھ ملازمین کے ٹیسٹ پوزیٹو آئے جنہیں مزید علاج کیلئے مکمل راہنمائی اور ادویات بھی فراہم کی گئیں۔
ہیپاٹائٹس کیمپ میں ڈی آئی جی ویلفیئر اینڈ فنانس شارق کمال صدیقی، اے آئی جی ایڈمن حسن رضا خان اور پی ایس ٹو آئی جی
پنجاب عبدالقادر قمر سمیت دیگر افسران بھی موجود تھے۔ اس موقع پر ڈی آئی جی ویلفیئر شارق کمال صدیقی نے گفتگو کرتے ہوئے کہاکہ
پولیس ملازمین کوطبی سہولیات کی ہر ممکن فراہمی محکمے کی اولین ترجیحات میں شامل ہے اور سنٹرل
پولیس آفس کے بعد صوبے کے تمام اضلاع کی
پولیس لائنز میں بھی اسی طرز پر ہیپا ٹائٹس اور بلڈ سکریننگ کیمپس کے انعقاد کو یقینی بنایا جائے گا۔
انہوں نے مزیدکہاکہ سخت اوقات ڈیوٹی کی وجہ سے
پولیس اہلکار اپنی صحت سے متعلقہ امور کا صیحح خیال نہیں رکھ پاتے اور اکثر اوقات کم عمری میں ہی سٹریس مینجمنٹ ، بلڈ پریشر، شوگر اور ہیپاٹائٹس سمیت دیگر امراض کا شکار ہوجاتے ہیں تاہم اہلکاروں کو صحت کی بنیادی سہولیات کی فراہمی کیلئے دستیاب وسائل کے موثر استعمال کے علاوہ سرور فائونڈیشن جیسے اداروں کے ساتھ سکریننگ کیمپس کا انعقاد کا سلسلہ جاری رکھا جائے گا تاکہ اہلکاروں کو ہر ممکن سہولیات فراہم کی جا سکیں ۔
بیگم گورنر
پنجاب پروین سرور نے
پولیس فورس کی خدمات کو خراج تحسین پیش کرتے ہوئے کہاکہ
پولیس ملازمین کی ان تھک محنت اور فرض شناسی کی بدولت معاشرے میں
امن و امان اور قانون کی فضا برقرار ہے لہذا
پولیس فورس کو صحت سے متعلق سہولیات کی فراہمی کیلئے انکی فائونڈیشن کے پلیٹ فارم سے ہر ممکن اقدامات کا سلسلہ جاری رہے گااور سنٹرل
پولیس آفس کے علاوہ ریجنل اور اضلاع میں بھی
پولیس لائنز اوردفاتر میں بلڈ سکریننگ کیمپس منعقد کئے جائیں گے۔
