بی اے پی ہرنائی میں فعال بنانے کیلئے مقامی یونٹوں کے انتخابات کے شیڈول جاری

ہرنائی (اُردو پوائنٹ اخبارتازہ ترین - اے پی پی۔ 18 اکتوبر2019ء) بی اے پی کے ضلعی صدر عبدالناصر ترین ایڈوکیٹ ، ضلعی جنرل سیکرٹری سید شادی گل بخاری نے پارٹی کو ضلع ہرنائی میں فعال ومنظم بنانے کیلئے ضلع ہرنائی کے تمام یونین کونسلوں میں یونٹوں کے قیام کافیصلہ کیا گیا اور ضلع کے تمام یونین کونسلوں میں پارٹی انتخابات کا شیڈول جاری کیا گیا27 اکتوبر کو یونین کونسل زرغون غر، کھوسٹ ، شاہرگ مونسپل کمیٹی اور شاہرگ صدر ،28 اکتوبر کو یونین کونسل ناکس ون، ناکس ٹو اور یونین کونسل صدر ون ، 29 اکتوبر کو یونین کونسل صدر ہرنائی ٹو ، یونین کونسل بابہان ون ، بابہان ٹو ، مونسپل کمیٹی ہرنائی کے انتخابات ہونگے۔

(جاری ہے)

تمام کارکنوں کو ہدایت کی ہے کہ وہ انتخاب کی تیاری کرے پارٹی کے ضلعی صدر عبدالناصر ترین ، ضلعی جنرل سیکرٹری شادی گل بخاری نے کہا کہ ضلع ہرنائی میں پارٹی کو فعال بنانے پارٹی کارکنوں سے رابطہ بڑھانے کیلئے ضلع بھر میں پارٹی کی تنظیم نو کا فیصلہ کیا گیا۔ انہوں نے کہاکہ پارٹی کے کارکنوں کو ہدایت کی ہے کہ پارٹی انتخاب میں بھرپور حصہ لیکر اپنے اپنے یونین کونسلوں میں پارٹی کو فعال بنائے تاکہ آنے والے متوقع بلدیاتی انتخابات میں پارٹی ضلع کونسل ، یونین کونسلوں ، اور مونسپل کمیٹیوں میں بھرپور کامیابی حاصل کرے ۔