ترک پولیس نے کردوں کے حامی تین میئر گرفتار کرلئے

منگل 22 اکتوبر 2019 12:40

انقرہ (اُردو پوائنٹ اخبارتازہ ترین - اے پی پی۔ 22 اکتوبر2019ء) ترکی کی پولیس نے کردوں سے تعلق رکھنے اور دہشت گردی کا پروپیگنڈا کرنے کے شبے میں کردوں کے حمایت یافتہ تین شہروں کے میئرز کو گرفتار کرلیا ہے۔

(جاری ہے)

ترک ذرائع ابلاغ کے مطابق ترک پولیس نیکایابینار ، بیسمیل اور کوجاکوی شہروں میں کارروائی کرتے ہوئے پیپلز ڈیموکریٹک پارٹی سے تعلق رکھنے کے شبہ میں تین میئروں کو حراست میں لے لیا ہے جبکہ دیاربکر کے مستعفی ہونے والے میرمرزا کلی سے پوچھ گچھ شروع کردی ہے۔

مرزا کلی کو گزشتہ برس اگست میں پیپلز ڈیموکریٹک پارٹی (پی ڈی پی) سے تعلق رکھنے کے شبہ میں مردین بلدیہ کے میئر کے عہدے سے برطرف کردیا تھا۔ واضح رہے پیپلز ڈیموکریٹک پارٹی پر ترک صدر رجب طیب اردوآن نے ’’ پی کے کے‘‘ سے روابط کے الزامات عائد کیے ہیں اور یہ 2016ء سے شدید کریک ڈاؤن اور دبائو کا شکار ہے۔

Facebook Twitter Google + Share on Whatsapp

ترک پولیس نے کردوں کے حامی تین میئر گرفتار کرلئے

متعلقہ عنوان :

مزید بین الاقوامی خبریں