جامشوروسے تعلق رکھنے والے واجد حسین لاکھو چین میں عظیم دیوارِ چین پر چڑھنے اور تائیک وونڈو کھیل کے مقابلہ پہلا نمبر حاصل کر لیا

جمعرات 24 اکتوبر 2019 00:04

حیدرآباد(اُردو پوائنٹ اخبارتازہ ترین - این این آئی۔ 23 اکتوبر2019ء) مہران یونیورسٹی کے آفس آف ریسرچ انوویشن اینڈ کمرشلائزیشن (اورک) کے چینی زبان سیکھنے والے جامشوروسے تعلق رکھنے والے واجد حسین لاکھو چین میں عظیم دیوارِ چین پر چڑھنے اور تائیک وونڈو کھیل کے مقابلہ پہلا نمبر حاصل کر لیا۔

(جاری ہے)

جامعہ مہران کے شعبہ اورک میں چینی زبان کے تربیتی کورس کا تیسرا لیول مکمل کرنے والے طالب علم کو سب سے زیادہ نمبر حاصل کرنے پر پورے ملک کے بہترین طالب علم کے طور پرچینیوں کی طرف سے چین جانے کے لئے چنا گیا جس میں واجد حسین لاکھو نے چین میں ’’ون بیلٹ ون روڈ‘‘ پروگرام کے تحت منعقدہ کھیلوں کی تقریبات میں حصہ لے کر دو مقابلوں میں پوزیشن حاصل کر لی، ان مقابلہ جات میں چین کے اوبور پراجیکٹ میں شراکت دارتمام ممالک کے طلبہ نے حصہ لیا تھا جس میں واجد حسین لاکھو نے پہلی پوزیشن حاصل کر کے میڈل اور سرٹیفکیٹ اپنے نام کئے، ہونہار طالب علم کی اس کامیابی پر جامعہ مہران کے وائس چانسلر پروفیسر ڈاکٹر محمد اسلم عقیلی اور اورک کے ڈائریکٹر پروفسیر ڈاکٹر انعام بھٹی نے واجد حسین لاکھو کو مبارکباد پیش کرتے ہوئے کہا کے جامعہ مہران میں تعلیم حاصل کرنے والا طالب علم دنیا کے کسی بھی طالب علم سے کم نہیں ، ہمارے طالب علموں کا مورال انتہائی بلند ہے۔