رمضان شوگر ملز کیس میں شہباز شریف اور حمزہ شہباز کے خلاف ضمنی ریفرنس دائر
احتساب عدالت میں سماعت کے موقع پر حمزہ شہبازکی جج کے ساتھ تلخ کلامی
میاں محمد ندیم منگل 12 نومبر 2019 16:56
(جاری ہے)
دوران سماعت عدالت نے حمزہ شہباز کو کٹہرے میں طلب کیا اور کارکنوں کی حمزہ شہباز کے ساتھ سیلفیوں پر شدید اظہار برہمی کیا سماعت کے دوران جج امجد نذیر چوہدری نے حمزہ شہباز سے مکالمے میں کہا کہ مسٹر حمزہ ادھر فوری ادھر کٹہرے میں آئیں جس پر حمزہ شہباز نے کہا کہ یہ آپ کیسے بات کر رہے ہیں؟اس پر جج امجد نذیر چوہدری نے کہا کہ آپ عدالت کا ڈیکورم خراب کر رہے ہیں، آپ پریس کانفرنس کرنے آٓتے ہیں؟ جس پر حمزہ شہباز نے سوال کیا کہ آپ مجھ سے کیسے بات کر رہے ہیں؟جج امجد نذیر چوہدری نے برہمی کا اظہار کرتے ہوئے کہا کہ عدالتی کارروائی کرنی ہے یہ سیلفیاں اور یہ سب کیا ہو رہا ہے، جب تک حمزہ پیچھے بیٹھے رہیں گے کیس نہیں چلے گا. حمزہ شہباز نے کہا کہ میں عدالت کا احترام کرتا ہوں ، میں ان لوگوں کو اور کارکنوں ساتھ لے کر نہیں آیا انہوں نے کہا کہ ہجوم میں آ رہا ہوں، لوگ سلام کرتے ہیں اس کا جواب دینا اسلام میں ہے، جج صاحب مجھے اپ کی بات کرنے کا طریقہ ٹھیک نہیں لگاعدالت میں موجود پاکستان مسلم لیگ (ن) کے رکن رانا مشہود نے کہا کہ حمزہ شہباز رکن صوبائی اسمبلی ہیں، جتنے بھی ملزم آتے ہیں 90، 90 روز ملزموں کو نیب کے پاس رکھے جاتے ہیں. رانا مشہود نے کہا کہ اس طرح تو قاتلوں کو بھی نہیں بلایا جاتا جیسے آپ نے حمزہ شہباز کو بلایا ہے جج امجد نذیر چوہدری نے ریمارکس دیے عدالت کا ڈیکورم سب سے پہلی چیز ہے، اگر عدالت کا ڈیکورم خراب کریں گے تو اس طرح کام نہیں چلے گا. جج امجد نذیر چوہدری نے حمزہ شہباز کو حکم دیا کہ آئندہ آپ جب بھی عدالت آئین سیدھا کٹہرے میں آئیں گے بعدازاں عدالت نے شہباز شریف سے متعلق استفسار کیا جس پر ان کے وکیل نے بتایا کہ شہباز شریف کی درخواست حاضری معافی دائر کی ہے جس پر عدالت نے شہباز شریف کی رمضان شوگر مل میں آج کی حاضری معافی کی درخواست بھی منظور کر لی. واضح رہے کہ 18 فروری کو قومی احتساب بیورو نے مسلم لیگ (ن) کے صدر شہباز شریف اور ان کے صاحبزادے رکن صوبائی اسمبلی حمزہ شہباز کے خلاف رمضان شوگر ملز کیس میں نیا ریفرنس دائر کیا تھا. اس ریفرنس میں صرف دونوں ملزمان کو نامزد کیا گیا تھا اور الزام لگایا تھا کہ رمضان شوگر ملز کے لیے انہوں نے غیر قانونی طور پر نالہ تعمیر کروایا عدالت میں دائر ریفرنس میں کہا گیا تھا کہ شہباز شریف اور حمزہ شہباز کی جانب سے اس نالے کی تعمیر سے قومی خزانے کو 21 کروڑ 30 لاکھ روپے کا نقصان ہوا، لہٰذا دونوں ملزمان کو سزا دی جائے.
مزید اہم خبریں
-
دیامر بھاشا ڈیم کی تعمیر میں تاخیر کا خدشہ پیدا ہو گیا
-
رواں سال پاکستان کی معاشی ترقی 2 فیصد رہنے کا امکان ہے
-
آئندہ مالی سال میں پاکستان کو بیرونی فنانسنگ کیلئے 23 ارب ڈالرز کا تخمینہ لگا لیا گیا
-
جنرل اسمبلی: فلسطینی مبصر ریاست کے حقوق بڑھانے کی قرارداد بھاری اکثریت سے منظور
-
تھیلیسیمیا کا علاج اب جین تھیراپی سے ممکن
-
پنجاب حکومت نے تندوروں پر روٹی کی قیمت میں مزید کمی کا اعلان کردیا
-
عوامی سیاسی جماعت کو ”انتشاری گروہ“ کہہ کر ”معافی“ کا مطالبہ متفقہ طور پر مسترد کرتے ہیں
-
رفح سے انخلاء کے دوران یو این کا مزید امدادی راہداریاں کھولنے کا مطالبہ
-
9 مئی کے تمام قیدی اور قیدی نمبر804 اور بشریٰ بی بی پر کیسزختم کئے جائیں
-
خیبر پختونخوا کے نوجوانوں کو ہنر مند بنانے کا یورپی منصوبہ
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
روزمرہ کی زندگی میں جدوجہد کرتی افغان خواتین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.