انڈونیشیا، دو مسافر بسوں میں تصادم ، 7 افراد ہلاک، 16زخمی

جمعرات 14 نومبر 2019 12:31

جکارتہ (اُردو پوائنٹ اخبارتازہ ترین - اے پی پی۔ 14 نومبر2019ء) انڈونیشیا کے صوبے جاوا میں دو مسافر بسیں آپس میں ٹکرا گئیں جس کے نتیجے میں 7 مسافر موقع پر ہلاک جبکہ 16زخمی ہوگئے۔

(جاری ہے)

صوبہ جاوا پولیس کے ترجمان ترونیووسنواینڈیکو نے میڈیا سے گفتگو میں بتایا کہ جاوا کے مغربی علاقے میں رات گئے ایک تیز رفتار بس بے قابو ہو کر مخالف سمت سے آنے والی بس سے ٹکرا گئی جس کے نتیجے میں 7 مسافر موقع پر ہلاک اور 16 زخمی ہوگئے ۔ امدادای ٹیموں نے زخمیوں کو قریبی ہسپتال منتقل کر دیا ہے جبکہ زخمیوں میں سے بیشتر کی حالت تشویشناک ہے۔ واضح رہے کہ مذکورہ علاقے میں پرانی بسوں اور سڑکوں کی ابترحالت کے باعث آئے دن ایسے حادثات رونما ہوتے رہتے ہیں۔